Бөгүн К.Д.Оюн аттыг кожууннуң модельдиг төп ном саңынга «Тыва өг — уругларга» деп аттыг хемчегни Тыва дыл хүнүнге тураскаадып эрттирген.
Бо солун хемчегге «Юный эрудит» деп түр када дыштаныр төптун (ВДЦ) уруглары идепкейлиг киришкен.
Хемчегниң сорулгалары:
— тыва дылда чаа сөстерни уругларга таныштырары
— тыва өгнүң тургузуу, оон дериг — херекселдеринин аттарын таныштырары
— тыва өг дугайында кылымал номну бичии номчукчуга сонуургадып көргүзери.
Бо хемчегге бичии оол Күдерек, кыс Долаананың дузазы-биле уруглар тыва өгже аян-чорукту кылганнар.
Кудерек биле Долаана уругларга тыва дылга дараазында чүүлдерни таныштырган:
— амыр-менди солчурун
— өг-бүлениң кежигүннерин шын адаарын
— кижинин мага-бодунун тургузуунун аттары
— өгнүң тургузуу болгаш дериг-херекселдерин аттары
— азырап чоруур 7 чүзүн мал-маганнын аттары
— суттен, тараадан, эъттен кылыр национал чемнернин аттары
Уруглар Тыва дыл байырлалында дыка хой чаа сөстерни дыңнап, утказын билип ап, шиңгээдип, үезин солун эрттиргеннер.
