(Чогаалчы, журналист, драматург, шиичи, артист, элчин, Россияның Журналистер болгаш Россияның Чогаалчылар эвилелдериниң кежигүнү, Россияның культуразының алдарлыг ажылдакчызы чораан Чылгычы Чимит-Доржуевич Ондарның 70 харлаан чырык адынга тураскааткан) ноябрь 16-да Оюн Корода аттыг ном саңынга Чылгычы Чимит-Доржуевич Ондарның 70 харлаан оюнга тураскааткан «Чогаалдарым өргүн чонга» деп аттыг сактыышкын кежээзи эрткен. Ук кежээге Хову-Аксы ортумак школазының 10-гу класстың өөреникчилери башкылары Ховалыг А.К. биле Сарыглар Э.Д. киржип келгеннер. Хемчегниң башкарыкчылары аныяк өскеннерге чогаалчының допчу-намдары база чогаалчы ажыл-ижи, орук-чолу-биле таныштырганнар. Оон аңгыда, ном саңының библиогравы өөреникчилерге «Сөөлгү өртээл» деп номунуң сайгарылгазын кылып, номчуурун сүмелээн.Хемчег үезинде школачылар ном саңының медээлер килдизиниң кылып белеткээн «Чогаалдарым өргүн чонга» деп хемчег-биле атташ презентация болгаш «Чуртталганың 50 чыл кончуг кыска үези» деп дириг чурук-биле танышканнар. Хемчегниң киржикчилери сөөлүнде «Чоннуң төлептиг оглу» деп ном делгелгези-биле танышканнар. ДОПЧУ-НАМДАРЫ Чылгычы Чимит-Доржуевич 1955 чылдыӊ ноябрь 16-да Чɵɵн-Хемчик кожууннуң Бажын-Алаак суурунга тѳрүттүнген. Бажын-Алаак ортумак школазын, Б. Щукин аттыг Дээди театр училищезин, Новосибирскиде партияның Дээди школазының журналистика факультедин дооскан.Республиканыӊ хѳгжүм-шии театрынга артист кылдыр, солуннарга корреспондентилеп, культура яамызынга оралакчы сайыдынга ажылдаан, 1989 чылдан эгелеп культура болгаш кино сайыды болуп ажылдаан.Чылгычы Чимит-Доржуевич Ондар хөй-хөй дээди шаңнал-макталдарның эдилекчизи. Анаа эвес орукту эрткен, ажыл-амыдыралы хөй талалыг, көскү ажылдакчы чораан.
