Ноябрь 2-де кожууннуң төп ном саңынга Тыва дыл хунунге тураскааткан 1-4 класстарның өөреникчилериниң аразынга кожуун чергелиг «Тыва дылым — авам дылы» деп шүлүк номчукчуларының мөөрейи болуп эрткен. Мөөрейге ниитизи-биле 30 ажыг өөреникчилер идепкейлиг киришкеннер. Эң-не хөй киржикчилер 3-ку классчылар болган. Чараш, өткүт үннүг чаштарывыстың күүселдезинде тыва дылын алгап-мактаан шүлүктерни чыылган аарыкчылар-даа, хүндүлүг шииткекчилер-даа магадап ханмаан.
Чаптанчыг шүлүк номчукчуларынга база бо мөөрейни эртиреринге улуг үлүг-хуузун киирген башкывыс Ольга Бичелдеевна Намчыл-оолга, чыглып келген ада-иелерге, башкыларга, шииткекчилерге өөрүп четтиргенивисти илередип, черге чедир мөгейдивис!
Чаптанчыг шүлүк номчукчуларынга база бо мөөрейни эртиреринге улуг үлүг-хуузун киирген башкывыс Ольга Бичелдеевна Намчыл-оолга, чыглып келген ада-иелерге, башкыларга, шииткекчилерге өөрүп четтиргенивисти илередип, черге чедир мөгейдивис!
